ROXAS CITY, CAPIZ – Nagnubo ang inflation rate sang Western Visayas sa 1.9 percent sa bulan sang Abril 2025.
Sa interview sang Bombo Radyo kay Miguel Gallego, Statistical Specialist I sang Philippine Statistics Authority Region 6, iya ginpahayag nga ang downtrend ang bangud sa mahinay nga inflation sa food kag non-alcoholic beverages sa 0.9 percent gikan sa 2.5 percent sang Marso; transport nga may -2.1 percent gikan sa -1.1 percent; kag housing, water, electricity, gas kag other fuels nga may 3.7 percent gikan sa 4.1 percent sang Marso.
Suno kay Gallego, ang housing, water, electricity, gas kag other fuels commodity ang may yara sang 33.4 percent share sang headline inflation samtang ang food kag non-alcoholic beverages commodity ang may 21.2 percent share.
Ang Iloilo Province kag Iloilo City ang nakarekord sang pinakamataas nga inflation rate sa 3.2 percent sang Abril.
Samtang ang probinsya sang Antique amo ang may pinakamanubo nga inflation rate nga may -1.6 percent.
Ang Bacolod City ang may 2.2 percent inflation City; 2.1 percent sa Negros Occidental province; 1.7 percent sa probinsya sang Capiz; 0.5 percent sa Guimaras kag -1.2 percent sa probinsya sang Aklan.
Nahibaluan nga sang Marso, may yara sang 1.9 percent nga inflation rate ang Capiz.
