Nagpaandam ang isa ka progresibo nga grupo batok sa bisan ano nga pagtinguha nga magpasilabot ukon magmaniobra sang mga dokumento nga may kaangtanan sa kaso sang nagtaliwan nga anay Department of Public Works kag Highways Undersecretary Catalina Cabral, ilabi na pagkatapos nga ginpaguwa ang mga resulta sang autopsy.
Nagpanawagan ang Samahan ng Progresibong Kabataan sang gilayon kag maid-id nga imbestigasyon sa hinali nga kamatayon ni Cbral.
Suno kay DILG Secretary Jonvic Remulla, base sa autopsy nga ginhimo sa Cbral, ang iya kamatayon bangud sa blunt force trauma kag wala sang senyales sang foul play.
Pahayag nila, ang makaduluda nga kamatayon ni Cabral nagakinahanglan sang pinakamataas nga lebel sang pag-analisar gikan sa mga forensic expert nga naghalin sa civil society, pribado nga sektor, kag akademya.
Dugang pa, sa sini lamang nga paagi ang matuod nga hustisya kag responsibilidad mapasanyog, bisan pa nga ang iya wala ginapaabot nga kamatayon daw nagkuha sang sini nga paglaum .
