ROXAS CITY – Pormal nga ginlunsyar sang Capiz Police Provincial Office ang project “CLEAR” ukon Capiz Law Enforcement and Anti-criminality Riders sa probinsya sang Capiz, subong adlaw, Disyembre 6, 2021.
Tinutuyo sini nga proyekto agud malikawan ang kriminalidad sa probinsya, kaangay sang pagpangawat, hold-up, pagbitbit sang iligal nga armas-luthang, mga aksidente sa karsadahon kag iban pa.
Suno kay PMaj. Ruby Magallanes, tagpamaba sang Capiz PPO, nga ini inisyatibo ni Pol. Col. Laudemer Llaneta agud maghagan-hagan ang nagkalain-lain nga insidente sa probinsya.
Pagagamiton sang mga katapo sang PNP riders ang 29 ka mga brand new nga motorsiklo nga magalibot sa syudad kag probinsya agud ipatuman ang police visibility.
Dugang pa sini nga tanan nga kabanwahanan sa Capiz ang pagahatagan sang motorsiklo kag may yara sang naka-designar nga pulis para diri.
Posible nga mas madamo ang igaalokar sa syudad sang Roxas.
Ginsiling man ni Magallanes nga magluwas pa ini sa mga police personnel nga naka-deploy sa mga border checkpoint.
Nagapati ang tagdumalahan sang Capiz PPO nga pinaagi sini nga proyekto, malikawan ang krimen sa probinsya.
Nagtambong sa launching and turn-over sang mga motorsiklo ang Police Regional Office 6 Director PBGen. Flynn Dongbo kag si Capiz Governor Esteban Evan Contreras II.
