ROXAS CITY – Nakasumiter na ang pamunuan sang Capiz Provincial Health Office sang proposal para sa plano nga pagpatukod sang gobyerno-probinsiyal sang kaugalingon nga real-time polymerase chain reaction (RT-PCR) testing laboratory.
Ini ang ginkompirmar ni Acting Provincial Health Officer Dr. Leah Del Rosario sang mainterview sang Bombo Radyo.
Suno diri nga gin-aprubahan naman sang Sangguniang Panlalawigan ang ila ginsumiter nga proposed budget para sa amo nga laboratory.
Ginpahayag pa sang opisyal nga nagpadala sang findings ang Department of Health (DOH) kag Research Institute for Tropical Medicine (RITM) kasunod sa resulta sang ila inspeksiyon sang damlag lang.
Suno pa kay Del Rosario nga nakahinala naman sini si Hospital Management Section (HMS) Head Dr. Alex Nolasco natuhoy sa amo nga plano.
Diri ila nahinalaan ang posibilidad nga isa ka containerized/modular RT-PCR testing laboratory ang igapatukod.
Ini agud mas madasig ang pagtapos kag gilayon nga magamit ilabi pa nga may ginalagas nga oras ang gobyerno-probinsiyal sa kampanya kontra sa amo nga sakit.
