ROXAS CITY -Pormal na nga ginsumiter sang provincial government sa National Inter Agency Task Force on Covid-19 Disease (NIATF) kag sa Department of Transportation (DOTR) ang sulat nga nagapaiway sa implementasyon sang bawal-angkas sang Land Transportation Office sa probinsiya sang Capiz.
Ginpahayag ni Atty. Esteban Angeles Contreras, Provincial Legal Officer sang probinsiya napagkit sa sulat sang gobyerno probinsiyal nga indi aplikable sa probinsiya ang bawal angkas sang LTO bangud ang labing una nga mode of transportation sang mga kabanwahan amo ang motorsiklo.
Gindugang pa sini nga “anti poor” ang nasambit nga layi labi na sa mga nagabalik trabaho kasubong sa mga establisemento nga ang ila ginasakyan amo ang motorsiklo.
Ginpunto man ni Contreras nga indi mahimo nga dumilian nga mag-angkasanay sa motorsiklo ang magpamilya bangud isa man sa gihapon kaa balay ang ila ginapulian.
Sa pihak nga wala ginadumilian ang angkas sa Executive Order ni Capiz Governor Esteban Evan Nonoy Contreras ginpakamaayo man sa gihapon sang provincial government nga mag-apelar sa NIATF kag sa DOTR.
Samtang nagapati si Contreras nga pasugtan sang NIATF kag DOTR ang apelar sang provincial government.
