Ginganyat sang isa ka grupo ang publiko nga indi pagpabay-an ang sa karon nga ginatalakay sang mga mamalidha ang isa ka luyag ni Presidente Ferdinand Marcos Jr. nga mapasa ang pambansang pondo nga nagalab-ot sa P6.35 trillion para sa 2025.
Ini ang paghatag pahanumdom ni anay Bayan Muna partylist Rep. Carlos Zarate kun sa diin kalakip ang ila nga grupo nga nagapamatyag agud insakto ang igapasa nga balor sang pondo nga ginpangayo sang kada-talatapan sang gobyerno para sa masunod nga tuig.
Sa nangin pahayag ni Zarate nga indi luyag nila nga may yara sang mga makalusot nga unprogram funds kag ilabi na ang dalagkuan nga ginapangayo sang confidential kag intelligence fundings sa mga talatapan sang gobyerno nga indi naman nagakadapat hatagan.
Apisar wala gintumod sang anay mamalidha apang padayon nga mainit ang isyu sang milyun-milyong nga intelligence kag confidential funds nga nabaton ni Vice President Sara Duterte nagikan kay Marcos nga wala gina-untatan ikuwestiyon sang pila ka mga manalidha ilabi na kag on going ang 2025 budget hearing deliberations.
Matandaan kun ikumparar sa tuig 2024,mas nagtaas sang 10 porsyento ang ginapangayo nga pondo sang administrasyon nagikan sa P5.76 trillion tubtob sa P6.35 trillion para sa 2025.
