Pulo katao patay sa pag-atake sang Russia sa drone exhibition malapit sa Kyiv

Naglab-ot sa pulo ka tawo ang napatay sa pag-atake sang Russian ballistic missile sa isa ka drone exhibition malapit sa Kyiv.

Suno kay Ukrainian President Volodymyr Zelensky, kapin sa 100 ka mga tawo ang napilasan sa pag-atake, nga gintambungan sang mga katapo sang sektor sang depensa.

Dugang pa, lima pa ka tawo ang napatay sa siudad sang Sloviansk pagkatapos nga naigo sang mga glide bomb sang Russia.

Nagpaandam si Zelensky nga nakabaton sila sang impormasyon nga nagapakita nga ang Russia mahimo maglunsar sang isa pa ka daku nga missile strike sa sulod sang 48 oras.

Samtang, anum ka tawo ang napatay kag 26 ang napilasan sa Kirov, Russia, kasunod sang overnight strike sang Ukraine.