-- ADVERTISEMENT --
ROXAS CITY – Totally burned ang isa ka puluy-an matapos ang nagluntad nga sunog subong nga hapon, Enero 19, 2024 sa Sitio Relis, Barangay Lanot, Roxas City.
Ang nasambit nga balay ang ginapanag-iyahan ni Erna Basilonia.
Sa inisyal nga impormasyon nga nakuha sang Bombo Radyo sa Roxas City Fire Station, nakabaton sila sang report 1:24 subong nga hapon sang tawag nga may yara sang nasunog nga balay.
Gilayon nga nagresponde ang BFP-Roxas City sa diin pag-abot man sang mga ini 1:35 sang hapon amu man ang pagdeklarar sang fire-out.
Mahibaluan ulihe na nareport sa BFP-Roxas City ang natabo nga sunog.
-- ADVERTISEMENT --
Ginabulubanta mas o menus P20,000 ang nangin halit sang nasambit nga sunog.
Sa karon, nagapadayon pa ang imbestigasyon kun ano ang gintunaan sang sunog.
