-- ADVERTISEMENT --
SIGMA CAPIZ – Totally burned ang isa ka puluy-an, matapos gintupok sang kalayo sa Sitio Ilawod, Barangay Parian, Sigma, Capiz.
Sa interview sang Bombo Radyo sa imbestigador sang Bureau of Fire Protection (BFP) Sigma nga si FO2 Armel John Dorado, ginpahayag sini nga ginkilala ang tag-iya sang amu nga puluy-an kay Edwin Rafols, 56-anyos kag residente sang nasambit nga lugar.
Suno kay Dorado, sang natabo ang sunog wala sa puluy-an ang tag-iya bangud temprano pa ini nga nagpadulong sa iya obra.
Mahibaluan nga gindeklarar fire out ang sunog takna alas 8:30 sang aga.
Ginabulubanta nagdangat sa kapin P17,500.00 ang ginbilin nga halit sang sunog.
-- ADVERTISEMENT --
Sa karun, padayon pa ang imbestigasyon sang katapo sang BFP Sigma kung anu ang gintunaan sang sunog.
