ROXAS CITY – Nagpasalig ang punong barangay sang Barangay Mainit banwa sang Cuartero nga pagahatagan sang aksyon ang madugay na nga problema sang mga residente angut sa maligna nga dalanon sa Barangay Mainit, Cuartero, Capiz.
Ini ang ginpahayag ni Punong Barangay Feddie Bartonico sang mainterview sang Bombo Radyo.
Suno kay Bartonico nga indi malikawan nga mangin maligna ang dalanon sa tagsa ka magbubo ang mamunog nga pag-ulan sa amo nga lugar.
Dugang pa sini nga masami man sini ginapatambakan sang buga ang amo nga dalanon agud indi man maapektuhan ang mga umalagi.
Mahibaluan nga madamo sang mga nagaagi sa amo nga dalanon partikular na ang mga dalagkuan nga mga salakyan nga may karga nga mais kag nagapadulong pa sa iban nga mga kabaranggayan.
Samtang, ginpasalig naman sini nga ginaproseso na nila kag ginaaksyunan ang tanan agud nga mapakaayo kag mapasemento ang nasambit nga dalanon kun sa diin ginpainan naman nila ini sang pondo.
