Panitan, Capiz – Ginklaro sang Punong Barangay sang Barangay Agbabadiang, Panitan, Capiz nga indi niya pumuluyo ang nasapwan nga bangkay.
Ang biktima ang ginkilala kay alyas ‘melvin’, 29-anyos kag residente sang Barangay Tacas, Pontevedra, Capiz
Sa interview sang Bombo Radyo kay Punong Barangay Sandy Delatina, iya ginpahayag nga daku ang iya kakibot sang nagreport sa iya ang manunudlo sang daycare kag Head sang iya Barangay Health Worker nga may nasapwan nga bangkay kag gilayon nga ginkadtuan nila ang nasambit nga lugar.
Suno pa kay Delatina, isa ini ka lalaki nga nagakaya kag nagsampay sa bahin sang sang imburnal nga indi mabaskog ang current sang tubig.
Pahayag pa niya, sa iya pag-usisa nahibaluan nga isa na ka semana nga missing ang biktima kag ginkompirma nga indi ini pumuluyo sang iya barangay
Nagapangabay man ang natungdan nga mangin alerto kag magbinuligay sa oras sang kalamidad agud malikawan ang nasambit nga insidente.
Interviewed by: Bombo Francis Biñas via Zona Libre
