Nagapati ang Quad Committee nga mas mapadasig ang hulag sang imbestigasyon angut sa extrajudicial killings sa idalum sang administrasyong Duterte kun magtingub-puwersa ang Kamara kag Senado.
Suno kay Quad Committee overall chairman Robert Ace Barbers, ginatuman nila nanday Speaker Martin Romualdez kag Senate President Chiz Escudero nga mag-angkon sang joint committee hearing agud pag-isahon ang pag-imbestiga sa EJK.
Sa kasubong nga tikang, mangin mas lapnagon, komprehensibo kag maalam ang mga pamangkot sang mga mamalidha kag masiguro nga patas ang imbestigasyon.
Dugang pa ni Barbers, kapareho ini sang joint session sa State of the Nation Address sang Presidente ukon bicameral conference committee.
Suportado naman ni Barbers ang paghiwat sang parallel investigation sang Senado kag ginalauman nila nga mag-angkop sang imbestigasyon ang duha ka hearing angut sa isyu.
