-- ADVERTISEMENT --
Naglab-ot pa sa overtime ang hampang sang Rain or Shine Elasto Painters para makuha ang 2-1 nga kalamangan sa quarterfinals nila sang Magnolia sa score nga 111-106.
Ginpahayag ni Rain or Shine coach Yeng Guiao nga, nalipay siya bangud sa wala sila nagpadala sa ila nga emosyon kag gintapos sang insakto ang hampang.
Gin-ako sini nga beterano ang Magnolia kag mabudlay nga piyerdihon ang mga ini sa malayo nga puntos.
Nagpanguna sa kadalag-an sang Painters si Aaron Fuller nga may yara sang 29 ka puntos kag 11 ka rebounds samtang may yara sang 18 ka puntos, walo ka rebounds si Jhonard Clarito kag tig 15 ka puntos sanday Gian Mamuyac kag Andre Caracut.
