POBLACION, Tapaz, Capiz – Arestado ang isa ka rank 2 municipal most wanted person sa kaso nga attempted murder sa Barangay Poblacion, Tapaz, Capiz.
Ang suspek amo si alyas Toto, 42-anyos, kag residente sang Daan Norte, Tapaz, Capiz, samtang ang suspek niya naman isa ka journalist nga wala ginhingalanan.
Sa interview sang Bombo Radyo kay Police Major Gregg Anthony V Salbang, Chief of Police sang Tapaz Municipal Police Station, iya ginpahayag nga ginserbihan ang suspek sang warrant of arrest para sa kaso nga Attempted Murder, nga may kaangtanan sa Article 248, in relation to Articles 6 kag 51 sang Revised Penal Code.
Suno kay Salbang, naglab-ot sa isa ka bulan ang ila pagmonitor sa suspek antes ini na-aresto kun sa diin ginpahayag man sini nga ang suspek nagahalin-halin sang lugar kag sa madinalag-in nga pagka-aresto sa iya iya naman ini gin panginwala.
Pahayag pa niya may yara man sang nauna nga kaso ang suspek nga nadismiss na, samtang naglab-ot naman sa P120,000 ang ginarekomenda nga balor para sa iya temporaryo nga kahilwayan.
Sa karon, yara na sa custodial facility sang Tapaz Municipal Police Station ang suspek para sa dokumentasyon kag nagakaigo nga disposisyon antes iturn-over sa korte nga nag-isyu sang warrant.
