Nag-file sang not guilty plea ang rapper nga si Lil Nas X matapos ang pagpangastigo sa isa ka pulis kag paglikaw sa pag-aresto.
Naaresto ang rapper sang tinalikdan nga semana matapos nga gin-reklamo bangud sa pagnilakat sini nga naka-brief lang sa Los Angeles.
Nagapangatubang ang rapper ukon si Montero Lamar Hill sa tuod nga kabuhi sang kaso nga felony counts of battery with injury sa isa ka police officer kag one felony count sang resisting arrest.
Base sa kapulisan, sang ginrespondihan nila ang tawag angut sa insidente, hinali nalang sila nga ginsakitan sang rapper.
Samtang, gindala ini anay sa isa ka bululngan bangud sa ginaalegar nga drug overdose.
Nagtigayon nga magkaara sang hearing ang kaso sang 26-anyos nga rapper sa korte sa Los Angeles kun sa diin gintalana ang pyansa sini nga $75,000.
Si Lil Nax X ang nangin una nga openly gay man nga nakabaton sang Country Music Association award bangud sa kanta sini nga “Old Town Road” sang 2019.
