-- ADVERTISEMENT --
Nag-walkout sa katunga-tungaan sang kanta ang R&B singer nga si Brandy. Natabo ang insidente sa show ni Brandy kaupod ang singer nga si Monica sa United Center sa Chicago, USA.
Samtang nagasaot ang duha, hinalin na lang nga naglakat pagwa sang stage si Brandy sa diin ginapahayag diri nga naakig ini bangud sa sound issue.
Bangud sa natabo, wala na ini nagbalik kag gintapos nalang ni Monica ang show nga nagaisahanon.
Wala naman madayon nga makanta sang duha ang ila nga hitsong nga “The Boy Is Mine” nga nagsikat sang 1998.
Pagkatapos sang nasambit nga hitabo, nagpahayag ang singer nga nakaesperyensya ini sang dehydration rason nga naglakat ini sa show.
-- ADVERTISEMENT --
Nagpangayo naman sang pasaylo ang singer sa iya nga mga fans.
