Handa nga mag-kooperar sa Kongreso ang Department of Budget and Management (DBM) kag ang bilog nga Executive branch agud makakas ang mga kwestyonable nga items sa ginaduso nga P6.793 trillion nga national budget para sa 2026.
Suno kay Department of Budget and Management Secretary Amenah Pangandaman, makaalarma ang posible reenacted budget sa masunod nga tuig matapos ang nangin pahayag sang mga mamalidha sa House of Representatives nga ibalik sa DBM ang 2026 National Expenditure Program.
Una na nga ginrekomenda ni Deputy Speaker kag Antipolo Rep. Ronaldo Puno nga amo ang chairman sang National Unity Party kaupod ang iban nga political leaders sang Lakas–Christian Muslim Democrats, Nacionalista Party kag Nationalist People’s Coalition nga ibalik ang proposed 2026 national budget sa Department of Budget and Management bangud sa sala nga mga items kaangay sang zero allocations para sa mga multi-year programs kag pagpa-in sang pondo sa mga natapos naman nga proyekto.
