Nagluntad ang gamay nga pagbaisay sa tunga nanday House prosecutor Chel Diokno kag defense counsel Atty. Mark Vinluan sa tion sang impeachment trial matapos ginpresentar sang depensa ang Statement of Assets, Liabilities, and Net Worth (SALN) ni President Ferdinand Marcos Jr. sa tion sang cross-examination kay retired Sandiganbayan Justice Amparo Cabotaje-Tang.
Ginkwestyon ni Diokno ang amo nga dokumento bangud ginaalegar nga wala ini ma-authenticate antes ginpakita sa witness.
Ginpanindugan ni Atty. Vinluan nga publicly available ang nasambit nga SALN, samtang ginpahayag ni Diokno nga indi bastante ang availability sini sa publiko agud makabig nga authenticated.
Pagkatapos nga ginpahayag ni Diokno, nga “Indi sini luyag nga makipag-away,” palahog naman nga nagsabat si Presiding Officer Chiz Escudero, nga “Not your character, Honorable Chel.”
