Ginkumpirmar ni House Secretary General Reginald Velasco nga ginpahamtang bilang acting Chairperson sang House Appropriations Committee si Senior Vice Chair Stella Quimbo.
Ini ang kasunod sang pagbiya ni Ako Bicol party-list Rep. Elizaldy Co bilang chairman sang komite bangud sa isyu sa ikaayong lawas.
Ginkumpirmar naman ni Quimbo nga gin-abisuhan ini sang house leadership tuhoy sa designation sini.
Sa isa ka interview, ginsiling ni Quimbo nga padayon lamang ang functions sang komite apisar nagpanaog sa pwesto ang anay chairman nga si Rep. Elizaldy Co.
Gin-abisuhan man ini sang liderato sang Kamara nga siguruhon nga wala sang magabag-o sa trabaho sang komite, bilang ini ang senior vice chair.
“I was advised by the leadership nga na I am to ensure that our Committee on Appropriations will continue to function as before.” pahayag ni Quimbo.
Sang ginpamangkot naman kun ini na magatal-us bilang chairperson, siling sini nga ang papel sini amo ang siguruhon nga mahimo sang maayo sang komite ang mandato sini.
Sa interview naman kay House Sec. Gen. Velasco, ginpahayag sini nga bilang senior vice chair si Quimbo sang komite, pagahimuon sini ang sa “acting capacity” ang responsibilidad sang tagapangulo sang Komite.
Para naman makahamtang sang bag-o nga chairman sang komite, kinahanglan sang aksyon sang plenaryo.
