ROXAS CITY – Ginaduso ni Chairman Committee on Transportation, Communication and Public Utilities Hon. Aldwin Cruz-Am, kaupod si Board Members Hon. Gilbert Ardivilla, Chaiman sang Committee on Infrastructure Public Works and Highways ang pagpakay-o kay sang Roxas Airport.
Sa interview sang Bombo Radyo kay Board Member Cruz-Am, ginpahayag sini nga sa ginpatigayon nga paghinala ila ginpapasar ang amu nga resolusyon kun sa diin paghinyo sang pondo sa Department of Transportation (DoTr) para sa pagpakay-o sang nasambit nga hulugpaan sa probinsya.
Suno kay BM Cruz-Am, pila sa mga rason kun ngaa ila ini nga ginaduso amu ang Unserviceable nga Roxas Airport Air Traffic Control Tower kun sadiin sa Iloilo International Airport pa nagakuha sang Air Traffic Control Data, wala sang 100 meters runway strips sa magtimbang nga bahin kag Runway End and Safety Area (RESA), kag kinahanglan suno diri sang dugang nga pasilidad sa mga pasahero.
Pananglitan suno diri nga ma-aprubahan ang pondo nga ila ginaduso, dako ang mangin pagbag-o sang hulugpaan sa probinsya kag madamo nga pasahero ang mahimo nga maserbisyuhan sini.
Sa karun nagahulat na lamang ang mga ini sang sabat sang DoTr kag dako ang paglaum nga mahatagan ini gilayon sang patamud.
