ROXAS CITY – Arestado ang isa ka retired Army matapos nga ginserbihan sang warrant of arrest sang mga kapulisan sa Barangay San Antonio, Cuartero, Capiz.
Ginkilala ang akusado kay Juan Dordas Mayo, 62-anyos kag residente sang nasambit nga banwa.
Sandig sa imbestigasyon sang Cuartero MPS, takna 3:10 kaina subong nga adlaw Pebrero 15, 2022 sang nadakpan ang nasambitan nga suspetsado.
Kaso nga Attempted Homicide ang ginapangatubang ni Mayo.
Ang nasambitan nga warrant of arrest ang ginpapanaog kag ginpirmahan ni Hon. Jerson F. Almalbis, Presiding Judge 6th Judicial Region, MCTC, Dumarao- Cuartero, Dumarao, Capiz kag napetsahan February 15, 2022.
Kapin P36,000.00 ang ginrekomendar nga piyansa sang korte sa biktima para sa iya temporaryo nga kahilwayan.
Sa karun yara na sa kustodiya sang Cuartero MPS si Mayo para sa nagakaigo nga disposiyon.
