Revised AIP 2020 nga gin-aprubahan sang Prov’l Development Council, nakadepende pa kun adoptaron sang prov’l board

ROXAS CITY – Yara na sa provincial board ang desisyon kun adoptaron na lamang ang amended 2020 annual development fund matapos nga liwat nagreconvene ang Provincial Development Council (PDC).

Gin-aprubahan sa nasambit nga pagsinapol sang PDC ang masobra P20.2 bilyones nga pondo para sa Annual Investment Plan (AIP) sa tuig 2020.

Suno kay Esteban Evan Contreras II nga kinahanglan na nga maaprubahan ang nasambit nga pondo agud magamit ini sa pagbakal sang mga kinahanglanon sa ginapangatubang sang probinsya angut sa Coronavirus Disease (COVID-19) agud matatap ang tanan nga mga pasyente.

Nagahinyo ang gobernador nga kon mahimo mapaiway na ang pamulitiko bangud ang pumuluyo sang probinsya ang apektado diri.