Padayon nga ginapasangkad sang Department of Agriculture (DA) ang “Rice-for-All” nga kiosko nga programa sa mga mayor nga merkado kag pila ka train stations nga nagabaligya sang P40 nga balor sang bugas.
Suno kay Agriculture Assistant Secretary Genevieve Velicaria-Guevarra, dugang nga 10 ka lokasyon ang igadesignar para sa Kadiwa ng Pangulo kiosks.
Sa subong, yara na sa 24 ang kabug-usan nga numero sang mga kiosko sa Metro Manila sa padayon nga pagpasangkad sini nga programa.
Lakip sa mga lokasyon nga gindugang sa listahan amo ang Langaray Market, Kaunlaran Market kag Phase 9 Bagong Silang Market sa Caloocan City. Agora Market sa San Juan City, Kalentong Market kag Addition Hills Market sa Mandaluyong, Munos Market, Marikina Public Market, Navotas Agora Market kag New Marulas Public Market sa Valenzuela City.
Samtang ginpasalig naman sang DA nga magasugod sa masunod nga tuig ang paglunsar sini sa mga probinsya agud malab-ot ang mas madamo nga mga konsumidor nga makabenepisyo diri.
