ROXAS CITY –— Duda si Grains Retailers Confederation of the Philippines ukon GRECON president James Magbanua sa ginasugid mga rice cartel sa pungsod nga ginatymod ni President Rodrigo Duterte sa iya nga State of the Nation Address ukon SONA sang nagligad nga Lunes.
Sa interview sang Bombo Radyo Roxas,ginpahayag ni Magbanua nga dapat hingadlan ni President Duterte ang ginatumod sini mga rice cartel kag pasakaan sang nagakaigo nga mga kaso.
Nahibaluan nga sa SONA ni President Duterte, ginpaandaman sini ang mga nagapadalagan sang mga rice cartels sa pungsod nga nagapangsabotahe sa ekonomiya.
Suno kay Magbanua, mangin ini ang wala sang ideya kun paano ginapadalagan ang mga rice cartel sa pungsod.
Apang ginpasiguro ni Magbanua nga may mga nagakahinabo nga smuggling kag manipulasyon sa presyo sang bugas sa pungsod.
Ginpamiliy pa sini nga normal lamang nga magtago sang palay ang mga rice traders bilang preparasyon sa mga lean months ukon mga panahon nga wala sang ani.
Mangin ang pila ka mga mangunguma ang nagatago man sang palay bangud ila ginahulat nga magtaas ang presyo sini antes ipaguwa.
Ang GRECON ang nagapanguna nga mga rice traders kag licensed NFA rice retailers sa pungsod.
