DAO, CAPIZ- Maayos nga na-implementar kag nangin dako nga bulig para sa mga pumuluyo sang Barangay Poblacion Ilaya kag Barangay Poblacion Ilawod, Dao, Capiz ang gintukod nga river control project sa ila nga lugar.
Sa interview sang Bombo Radyo kay Punong Barangay Tomas Andrada sang Baranagay Poblacion Ilaya, iya ginpahayag nga maayos na sakaron ang sitwasyon sang ila nga barangay bangud nga wala na sang nagaluntad nga mga pagbaha umpisa nga natukod ang amo nga river control.
Dugang pa sini, wala man sang kun ano nga mga anomaliya nga natabo samtang ginatukod ang amo nga river control project.
Samtang, ginsegundahan man ini ni Punong Barangay Arnold Villanueva sang Barangay Poblacion Ilawod, sang ma-interview ini sang Bombo Radyo.
Suno sa iya, ang amo nga river control project ang may dako gid nga nabulig sa ila nga mga pumuluyo bangud nga nauntat na ang pagtiphag sang duta nga malapit sa suba.
Dugang pa sini, bangud sa amo nga proyekto, kaangay nabuhinan ang peligro nga ginakabalak-an sang mga pumuluyo.
Pahayag pa sang duha ka mga opisyal sang barangay, kaangay nga wala gid sang problema sa pagtukod sang amo nga proyekto sa ila nga banwa.
Nahibaluan nga sumugod nagpungko si Mayor Jimbo Barruela sang amo nga banwa, gintukod ang amo nga proyekto.
Nagapasalamat naman ang mga ini bangud sa dako nga ginbulig para sa ila nga lugar, pareho nga natapna ang pagbinaha ka gang pagtiphag sang duta.
In an interview with Bombo Jessa Mae Siman De Los Santos
