Plantsado na sang OPM iconic band nga Rivermaya ang ila nga North America tour.
Pagahiwaton ini sa pito ka siyudad sang North America sumugod sa bulan sang Setyembre kag Oktubre.
Sumugod sang nagpatok ang ila nga reunion concert sadtong Pebrero, nagdesisyon ang mga miyembro nga nanday Bamboo, Mark Escueta, Nathan Azarcon kag Rico Blanco nga magpatigayon sang mga show sa US kag Canada.
Tuman naman nga nalipay ang banda bangud sa dala nila sa bug-os nga kalibutan ang kalipay sadtong reunion concert sang Pebrero sa pungsod.
Pila sa mga pungsod nga pagapadulungan nila amo ang Vancouver, Canada sa Setyembre 8; Toronto, Canada sa Setyembre 13; Red Deer, Alberta sa Setyembre 14; New York City sa Setyembre 21; Temecula, California sa Setyembre 22; Los Angeles, California sa Oktubre 4 kag San Francisco, California sa Oktubre 6.
