Rocket debris sang China, nagtibusok malapit sa baybayon sang Palawan – PhilSA

Ginkumpirmar sang Philippine Space Agency (PhilSA) nga nahulog ang debris ukon parte sang Long March 12 rocket sang China sa kadagatan sang Pilipinas malapit sa Palawan kagab-i, Agosto 4.

Ang mga tinumpag nahulog sa sulod sang 21 nautical miles gikan sa Puerto Princesa kag 18 nautical miles gikan sa Tubbataha Reefs Natural Park, mga lugar nga ginasakop sang eksklusibo nga economic zone sang pungsod.

Kaangot sini, liwat nga nagpaandam ang ahensya sa publiko batuk sa katalagman sang rocket debris.

Sa tion nga may makakita, ginapanugyan sa mga publiko nga indi magtandog ukon magtipon sang anuman nga debris bangud mahimo nga may yara ini sang toxic substances kaangay sang rocket fuel, sa baylo, gilayon nga ipahibalo sa mga otoridad.