ROXAS CITY – Pilason nga ginpadangat sa Mambusao district hospital ang 12 ka mga indibidwal matapos nga aksidente nga nahulog sa tulay sang Sitio Agtabuan, Barangay Bula, Mambusao, Capiz.
Kalakip sa mga nag-angkon sang kasamaran kag nagpalanakit ang kalawasan sang driver sang bus nga ginkilala nga si Arian Dumapil 29-anyos sang Commonwealth, Quezon City, konduktor nga si Joel Zombito sang Estancia, Iloilo kag mga pasahero nga sanday Redford Nim sang Barangay Cagay, Roxas City, Czyrun Vacal sang Lobo-Lobo Rizal, Arjay Guevarra sang Sta. Cruz Laguna, John Carlo Bagatilla sang Bago City, John Leo Pulupot sang Oriental Mindoro, Grace Linette Valentino sang Barangay Mianay, Sigma, Capiz, Roel Encelina sang Bacolod City, George Suarez sang Sta. Barbara, Iloilo.
Samtang nakaangkon naman sang bali sa abaga si Eugene Javier sang Negros Occidental kag Annaliza Ambala sang Barangay Mianay, Sigma, Capiz.
Maswerte naman nga wala napilasan ang anum ka tuig nga anak sang driver nga si Dumapil.
Gikan sa Batangas ang nasambit nga Roro bus kag pakadto kuntani sa Palawan apang pag-abot sa kurbadahon nga area sang Sitio Agtabuan, Barangay Bula, Mambusao, naalang alang ang driver kag ginlikawan ang sign board nga may nakasulat nga road construction.
Bangud sa madanlog nga dalan nadulaan sang kontrol sa manubela ang driver kag nagdiretso ang bus tobtob mahulog sa tulay.
