ROXAS CITY, CAPIZ- Ginpasalig sang Roxas City Government nga nakahanda ini nga magbulig sa mga magbulignga maapektuhan sang Bagyo Opong.
Suno kay Persy Cordova, Head sang City Social Welfare and Development Office, naka-standby ang ila opisina sa paghatag sang bulig sa mga residente nga nagakinahanglan sang pagkaon.
Ginpahayag sini nga may nakahanda na sila nga mga family food packs agud ipanagtag sa mga pamilya nga yara sa mga evacuation centers.
Samtang, suno naman kay Dr. Lory Cahilog, Head sang City Health Office, may yara sila sang medical team nga amo ang magahatag sang nagakaigo nga pagbulong sa mga barangay nga tuman nga maapektuhan sang bagyo.
Magluwas diri, may yara man sang ipanagtag nga libre nga mga bulong sa mga pumuluyo.
Nagpanugyan man ang natungdan sa mga pumuluyo nga halungan ang ila ikaayong-lawas kag likawan ang pag-ubog sa tubig-baha.
Nakahanda na ang tanan nga mga evacuation center sa Roxas City para sa mga pumuluyo nga maapektuhan sang bagyo.
Suno kay City Disaster Risk Reduction and Management Officer Gilbert Francisco Fernando, magapatuman sila sang preventive evacuation sa tion nga kinahanglanon ini.
Ginpahayag sini nga naka-preposition naman ang mga transport equipment sa Emergency Operation Center.
