-- ADVERTISEMENT --
Todo suporta ang Roxas City Government sa labing una nga iga-representa sang mga delegado ang syudad sa Western Visayas Regional Athletic Association (WVRAA) Meet 2026 nga magasugod sa Marso 17 tubtob Marso 23.
Sa interview sang Bombo Radyo kay Roxas City Mayor Ronnie Dadivas, iya ginpahayag nga yara sa ginabanta sa malapit sa P6 million ang pondo nga ginhatag sang syudad sa mga atleta kag mga coaches.
Suno kay Mayor Dadivas, gin-release na ang allowance sang 474 ka atleta nga ₱9,510 kada isa, samtang ang 90 ka coaches nakabaton sang ₱9,160 kada isa.
Pinaagi sa amo nga suporta mahimu nga makahatag sang inspirasyon kag determinasyon ang mga atleta, labi nga pagadal-on nila ang ngalan kag kadungganan sang bilog nga Roxas City sa kompetisyon.
