Nag-igo ang duha ka Russian airstrike sa isa ka medical center sa Ukraine sa syudad sang Sumy samtang nag-evacuate naman ang pila ka mga pasyente kag staff sang isa ka ospital.
Suno kay Ukraine Interior Minister Ihor Klymenko, sa una nga airstrike, napatay ang isa sa mga staff sang ospital samtang sa ika-duwa naman nga pag-igo sang drone, pila ka mga pasyente naman ang nangin biktima sini nga nag resulta sa pagkapatay sang 9 ka indibidwal kag pagkapilasan sang 21 ka iban pa.
Gin-anunsyar man ni Sumy acting Mayor Artem Kobzar nga pila ka lokal nga opisyal ang nakatalupangod nga ang gingamit sang Russia sa pag-atake amo ang mga Shahed drones.
Una na nga ginbalita nga naigo man sang isa ka airstrike ang hilagang-silangan nga parte sang Kharhiv nga syudad sang Slatyne kahapon kun sa diin tatlo ka tawo ang napatay samtang tatlo man ang napilasan nga ginkumpirmar naman ni Gov. Oleh Syniehubov.
Suno pa kay Syniehubov, isa ka residente man ang napatay sa kalapit nga banwa sang Kozacha Lopanna nga biktima man sang drone attack sa nasambit nga pungsod.
Samtang, sa syudad naman sang Kryvyi, nga home city ni Ukraine President Volodymyr Zelenskyy, isa ka bangkay sang lalaki ang nasapwan sang mga awtoridad sa idalom sang naglusdak nga establisyimento nga naigo man sang isa ka russian missile sang Biyernes nga nangin rason sang pagkapatay sang apat nga residente sang lugar.
Dugang pa, ginsiling naman sang Russian Defense Ministry, nga ang airstrikes ang para ma-shutdown ang mga operasyon sang apat ka Ukrainian drones sa rehiyon sang Belgorod kag isa naman sa Kursk region nga pareho nga border sang nasambit nga pungsod.
