Igadeploy sang Philippine National Police (PNP) ang mga Special Action Force (SAF) commando agud magbantay sa mga hotspot area pag-abot sang 2025 Midterm Elections.
Suno sa PNP, bantayan sang mga ini ang mga presinto kag iban pa nga lugar nga ginalauman ukon posible nga may mga maga-gamo kag magatuyo agud isabutahe ang igapatigayon nga election.
Posible man nga igadeploy ang mga commando sa mga lugar nga wala anay gindeklarar bilang hotspot ukon may away politika apang natumod nga naglala ang political rivalry.
Ang mga SAF commando ang ginapahayag nag-agi sa maid-id nga training sa counterterrorism operations sa mga rural kag urban area.
Magluwas sa mga SAF commando, nakadeploy man ang maneuver forces sang PNP sa mga checkpoint area kag nagabulig sa mga local police.
Samtang, una na man nga nagpromisa ang Armed Forces of the Philippines (AFP) nga magbulig sa pagbantay sa kabug-usan nga election.
