Nagapati si House Deputy Minority Leader kag ACT Teachers Party-list Rep. France Castro nga isa ka impeachable offense ang sala nga paggamit ni Vice President Sara Duterte sang confidential fund.
Pahayag ini ni Castro sang magpaguwa ang Commission on Audit (COA) sang Notice of Disallowance sa ginhimo nga paggastos sang talatapan ni VP Duterte sa P73 milyon nga pondo nga kabahin sang P125 milyon nga confidential fund sini sadtong 2022.
Kalakip sa Notice of Disallowance sang COA ang Reward Payment nga 10 milyon, produkto nga ginbayad bilang reward nga 34.857 milyon, bulong bilang pambayad sang reward nga 24.930 milyon, pagbakal sang mga lamesa, pungkuan, desktop computers, kag printers nga 3.5 milyon.
Para kay Castro, malinaw ang punto sang COA nga ang paggamit ni VP Duterte sang confidential fund ang wala nakasunod sa Joint Circular No. 2015-01.
Maluwas sa ₱125 milyon nga confidential fund nga gingastos sadtong 2022, dugang pa ni Castro nga dapat man nga usisaon ang paggastos ni VP Sara sang ₱372 milyon sa ₱500 milyon nga confidential fund sini sadtong 2023.
