Salakyan nga nahulog sa ginaconstruct nga drainage system, natigayon nga nakuha sa bahin sang Barangay Balijuagan

ROXAS CITY – Natigayon nga makuha ang Hilux nga salakyan, nagaduag pula matapos aksidente ini nga nahulog sa ginaubra nga drainage system sa bahin sang Barangay Balijuagan, Roxas City.

Ang wala na ginhingadlan nga driver ang nagapang-edaron sang 51-anyos kag residente sang Brgy. Amaga banwa sang Sigma.

Sa impormasyon nga nakuha nagikan sa Roxas City PNP, samtang ginasubay sang nasambit nga salakyan ang dalanon nagikan sa banwa sang Sigma kag padulong kuntani sa syudad sang Roxas takna alas 12:30 sang kaaganhon kahapon nga adlaw, Agosto 27 sang aksidente ini nga nahulog sa ginaconstruct nga box culvert.

Bangud sini nag-angkon sang mga damage ang nasambit nga salakyan samtang masuwerte nga wala napilasan sang dako ang driver.