Nagpaguwa sang pahayag si House Majority Leader Ferdinand Alexander “Sandro” Marcos matapos akusaran ni Senator Imee Marcos ang iya ginikanan nga sanday President Ferdinand “Bongbong” Marcos Jr. kag First Lady Liza Araneta-Marcos sang paggamit sang iligal nga droga amo man ang nasambit nga mamalidha.
Suno kay Rep. Marcos, nasuboan siya kag nasakitan nga naglab-ot na sa punto nga nagpalapta na sang sala nga impormasyon ang iya tiya para sa kaugalingon nga interes sa pulitika.
Pahayag niya, wala sang basehan, wala sang kamatuoran kag wala sang mayo nga tuga sa pungsod ang akusasyon sang senadora.
Dugang pa niya nga sanday Borgy, Vice Gov. Matthew kag Atty. Michael nga lunsay mga pakaisa sini ang makapamatuod nga indi matuod ang ginahaboy nga akusasyon a iya.
Nagpanawagan si Sandro nga mag-isa sa kamatuoran kag likawan ang pagdugang-dugang sang mga istorya nga may katuyuan nga gub-on ukon gamuhon ang gobyerno.
