ROXAS CITY – Gin-aprubahan sang Sangguniang Panlalawigan sa ila ginpatigayon nga session ang resolution nga naga-request kay Governor Esteban Evan Nonoy Contreras nga ipaiway anay ang pagbakal sang mga rescue vehicles.
Ini ang ginpahayag ni Board Member Jonathan Sonny Besa, Chairman sang Committee on Tranasportation sang SP sang mainterview sang Bombo Radyo.
Suno kay Besa nga naghimo sila sang resolution nga naga-request sa gobernador nga ipaiway anay ang pagbakal sang 30 ka mga units sang rescue vehicles nga pagagamiton sa probinsya nga nagabalor sang P24 milyones.
Ginpahayag ni Besa nga nangin unanimous ang desisyon sang provincial board bangud mas kinahanglan ang pagpain sang pondo subong nga pandemya para sa COVID-19 vaccines sa tuig 2021.
Apisar nga may yara na sang napain nga pondo ang SP nga P32 milyones nga nagikan sa AIP 2020.
Nahibaluan nga nagpatigayon na ang mga natungdan nga opisyal kag ahensya sang bidding sa pagbakal sang 30 ka mga unit sang rescue vehicles nga wala pa sang approval nagikan sa Sangguniang Panlalawigan.
