Nakita mo bala ang mga satire posts sang TV Host/Actor nga si Edu Manzano nahanungod sa mga contractor?
Samtang deactivated ang mga YouTube channels kag naka-private na ang mga social-media accounts sang mga pamilya sang contractor nga naangot sa flood control issue, ang Facebook page ni Edu ang ginabisitahan naman sang kadam-an bangud sa iya mga posts nga nagahatag sang kalipay kag palabtik sang istorya sa mga may sala kun ngaa ginabaha ang kadam-an nga lugar sa Pilipinas.
Linibo ang likes amo man ang mga naga-komento sa mga AI-Generated image sang host-actor nga nakasuksok sang silk robe kag may ginakaptan nga Rolls-Royce nga payong sa diin nasaad sa caption nga wala siya sang site visit kag wala man siya sang stress bangud yara sa iya ang kwarta sang taxpayers.
Pati ang mga hashtags nga ginagamit ni Edu ang naghatag kalingawan sa publiko. Lakip na diri ang #DreamsDoComeTrue, #SumaksesDin kag #RoadToBulsa.
