MANILA, Philippines – Ginpahayag sang Supreme Court of the Philippines nga kinahanglan ang sertipikasyon sang Department of Social Welfare and Development (DSWD), antes mahimong legal ang pag-adopt sang mga “surrendered” nga kabataan.
Ini nga desisyon ginpagwa sang Third Division sang Korte Suprema matapos ginbasura ang petisyon ni Eleazar Robiso nga nagaangot sa isa ka adoption case.
Ginpahayag sang korte nga wala nakasunod si Robiso sa mga rekisitos sang Republic Act No. 9523, ilabi na ang kakulangan sang DSWD certification nga naga-deklarar nga ang bata legal nga pwede ma-adopt.
Ginpunto man sang Korte Suprema nga ang kinahanglanon nga sertipikasyon nagaaplikar indi lamang sa abandoned ukon neglected nga kabataan kundi pati man sa mga “surrendered,” suno sa Presidential Decree No. 603.
Dugang pa sang korte, may mga eksepsyon sa sini nga patakaran, pareho sa adoption sang biological parent, step-parent, ukon paryente sulod sang ika-apat nga degree sang relasyon.
