Ginpamatbatan guilty sang Korte Suprema si Muntinlupa Regional Trial Court Judge Romeo Buenaventura sa simple miscounduct kag neglect of duty sa paghawid sang high-profile drug case batuk kay anay Sen. Leila de Lima.
Sa resolution nga gin-isyu sang Nobyembre 13, 2024, ginpamulta sang First Division sang SC si Buenaventura sang P36,000.
Hugot man ini nga ginpaandaman sang mataas nga hukuman kun masulit ang kapareho nga paglapas ukon himuon ang kaangay nga aksiyon, mas malala nga panumbungon ang iiya posible nga pagaatubangon.
Matandaan nga nag-ugat ang kaso batuk sa Judge gikan sa gin-file nga reklamo sang mga legal counsel ni De Lima nga sanday Atty. Teddy Esteban Rigoroso kag Rolly Francis Peoro nga gin-akusahan si Judge Buenventura sang paglapas sa judicial ethics kag nagtuga sang pagka-delay sa ruling sa mosyon nga piyansa ang kliyente sini sa kaso kun sa diin gin-akusahan si de Lima nga ulamid sa iligal nga droga.
