PANITAN CAPIZ – Patay ang isa ka seaman matapos aksidente nga napitik sini ang hinuptanan nga armas luthang sa Barangay Salocon, Panitan, Capiz.
Ginkilala ang biktima nga si alyas “Jho”, 49-anyos kag residente sang nasambit nga lugar.
Sa inisyal nga impormasyon nga nakuha sang Bombo Radyo nagikan sa Panitan Municipal Police Station, ginapahayag nga sang natabo ang insidente nagatinlo ini sang iya calibre .45 kag sang magatindog kun tani ini ginaalegar nga nadanlog kabangdanan agud aksidente nga napitik ang gatilyo kag naigo sa ulo rason sang iya kamatayon.
Mahibaluan nga nakainum sang makahulubog nga ilimnon ang nasambit nga biktima.
Gilayon naman ini nga ginrespondehan sang Panitan Municipal Disaster Risk Reduction Management Office kag ginpadangat sa ospital para sa nagakaigo nga pagbulong apang gindeklarar nga dead on arrival sang doctor.
Sa karon, yara na sa isa ka punerarya ang bangkay sang biktima samtang padayon naman ang imbestigasyon sang mga kapulisan angut sa insidente.
