MANILA, Philippine – Ginpabakod sang Securities and Exchange Commission (SEC), Department of Information and Communications Technology (DICT), kag National Privacy Commission (NPC), ang kampanya batok sa abusado nga lending practices.
Suno sa mga ahensya, kinahanglan magtuman ang lending companies sa Data Privacy Act of 2012 kag sa Financial Products and Services Consumer Protection Act agud maprotektahan ang personal nga impormasyon sang mga nanghulam.
Ginpahayag man sang SEC nga ginabawal ang mga pamaagi pareho sang harassment, pagpahadlok, kag public shaming sa pagpanukot sang utang, pati man ang ilegal nga paggamit sang personal data.
Dugang pa sang mga ahensya nga ang paglapas sa sini nga mga patakaran mahimo magresulta sa multa, suspensyon, ukon pagkanselar sang operasyon sang kompanya.
Gin-agda man ang publiko nga mangin mapisan sa paggamit sang online lending apps kag magtransaksyon lamang sa mga rehistrado sa SEC agud malikawan ang mga iligal kag abusado nga pamaagi.
