Security guard pilason matapos ginbuno sang iya bayaw

ROXAS CITY – Nagapabilin nga ginabulong sa Roxas Memorial Provincial Hospital ang 30-anyos nga security guard matapos ginbuno sang gunting sa San Jose Street, Barangay Tiza, Roxas City.

Ginkilala ang biktima nga si Jeniez Cataluña sang nasambit nga lugar.

Base sa alegasyon sang biktima nga ginbuno ini sang gunting sang iya nga bayaw  nga si Jovan Tubongbanua.

Ginpahayag pa sini nga may yara sila sang daan nga mga hiligut-anon ni Tubongbanua rason nga ginbuno siya gamit ang gunting sa paa.

Padayon ang imbestigasyon sang mga kapulisan sa insedente.