Nangin madinalag-on ang ginhiwat nga selebrasyon sang 31st Provincial Cooperative Month sa probinsya sang Capiz.
Gintambungan nanday Sen. Ronald “Bato” Dela Rosa kag Sen. Imee Marcos nga mainit naman nga ginsugata sang mga opisyales sang probinsya nga ginpangunahan ni Capiz Governor Fredenil “Oto” Castro.
Sa nasambit nga aktibidad, ginpahayag ni Sen. Imee Marcos nga ang mga agricultural cooperative kinahanglan nga magparehistro, suno pa diri wala na dapat sang may ginabayaran nga buwis, dugang pa sini nga indi man dapat madamo ang mga requirements nga gina-sumiter kag ang mga produkto sang mga ini ang maibaligya sa gobyerno.
Samtang, suno naman kay Sen. Bato Dela Rosa nga kinahanglan mapondohan ang cooperative development authority agud mabuligan kag mahatagan sang assistance ang mga kooperatiba sang Pilipinas.
