Nalakip sa ‘Billionaires list’ ang Hollywood actress/singer nga si Selena Gomez.
Base sa Bloomberg, yara sa $1.3 bilyon ang manggad sang 32-anyos nga si Gomez.
Nagdamo ang manggad sini bangud sa iya nga Rare Beauty make-up company nga iya nga gindumalahan sadtong nakaligad nga lima ka tuig.
Bangud diri nalakip siya sa ‘youngest female self-made’ billiionaire kaupod sanday Taylor Swift kag Rihanna.
Magluwas sa iya nga make up company, pila ka milyon man ang iya nga ginakita sa mga endorsement sini sa mga kilala nga luxury brand.
Ginbun-ag sa Texas ang half Mexican-American kag nagsikat ini bangud sa iya nga pagiging pasyonista kag mga nangin nobyo sini.
Na-diagnosed man ang nasambit nga singer sa bipolar disorder kag autoimmune diseas lupus.
Siya man ang may pinakamadamo nga followers sa Instagram kun sa diin naglab-ot sa masobra 424 milyon ang iya nga fans.
