ROXAS CITY – Nangin matawhay sa kabug-usan ang pag-obserbar sang Semana Santa sa bilog nga probinsiya sang Capiz.
Ini ang ginpahayag ni Police Executive Master Sergeant Donna Asmod sang mainterview sang Bombo Radyo.
Suno kay Asmod nga hugot sila nga nagpatuman sang Oplan Ligtas Semana Santa kasunod sang mandu ni Capiz PPO Provincial Director Police Colonel Canilo Fuentes.
Bangud diri suno kay Asmod nangin matalunsay ang pag-obserbar sang Semana Santa bangud wala sang may napagkit nga dalagkuan nga mga insidente nga nagluntad sa probinsiya.
Ginpahayag sini nga may kapulisan nga ginpangdeploy sa mga area of convergence kasubong sang pantalan, pahugpaan, terminals, simbahan kag mga pilgrimage site.
Nagpakig-angot man ang hanay sang pulisya sa magkatuhay nga law enforcement agencies sa probinsiya agud magbulig sa pagpabilin sang kalinong sa lugar kadungan sang pag-obserbar sang Semana Santa.
