Ginpahayag sang Senado nga handa sila sa mas bukas kag transparent ang deliberasyon sang bicameral conference committee nahanungod sa national budget, suno kay Senate Secretary Renato Bantug Jr.
Ini ang kadungan sang pagtalana sang economic team sang administrasyon ni Marcos sang proposed nga P6.793 trillion budget para sa tuig 2026 — mas gamay kun ikumparar sa kabug-usan nga P10.101 trillion nga kantidad sang mga proposed budget nga nabaton sang Department of Budget and Management (DBM).
Ang nasambit nga proposed budget ang 7.4% nga mas mataas kaysa actual nga budget para sa 2025 nga P6.326 trillion.
Suno kay Bantug, bilang isa ka gintingub nga ulubrahon sang Senado kag Kamara, may kolektibo nga salabton ang duha ka panalgan sang Kongreso nga siguruhon nga ang proseso bukas kag transparent sa publiko.
Dugang pa sini, ginabaton sang Senado ang pag-imbestigar kag pagpasakop sang pumuluyo sa proseso sang pagkumpleto sang budget.
Ginpahayag naman ni Budget Secretary Amenah Pangandaman nga ginalauman nga isumiter ang hagna nga 2026 National Expenditure Program (NEP) sa Kongreso duha ka semana matapos ang State of the Nation Address (SONA) ni President Ferdinand Marcos Jr. sa Hulyo 28, 2025.
Sandig sa Konstitusyon, kinahanglan nga isumiter ang proposed national budget sa sulod sang 30 ka adlaw matapos ang SONA.
