Pormal na nga mag-convene ang Senado bilang impeachment court sa Mayo 18, 2026 agud umpisahan ang hearing sa kaso batuk kay Vice President Sara Duterte suno kay Senate President Alan Peter Cayetano.
Ginkumpirma ni Cayetano ang pagbaton sang mga articles of impeachment gikan sa Kamara kag ginmanduan ang Senate Secretariat nga ilakip ini sa Calendar for Ordinary Business.
Nahibaluan nga nagapangatubang si Duterte sang kaso nga ginaalegar misuse of funds, unexplained wealth, kag pagpamahog sa kabuhi batok kay President Ferdinand Marcos Jr., First Lady Liza Araneta Marcos kag Former House Speaker Martin Romualdez.
Suno kay Cayetano, magapagwa sang schedule ang Senado para sa pag-atubang sang magtimbang nga bahin apang ang aktuwal nga hearinf ang magasuod pa sa Hulyo depende sa proseso kag kadamuon sang session days.
Ginhatagan pagtamod ni Cayetano nga sundon sang Senado ang kasuguan kag wala sang delay sa proseso, kag ginpanginwala ang espekulasyon nga may kaangtanan sa impeachment trial ang pagbag-o sa liderato sang Senado.
