Ginpanawagan ni Senate President Francis “Chiz” Escudero sa Department of Public Works and Highways (DPWH) nga buhinan ang P250.8 billion nga pondo para sa mga proyekto sa flood control project gikan sa ginaproponer sini nga P881.3 bilyones nga budget para sa 2026.
Suno kay Escudero, dako nga porsyon sang pondo ang dapat ipain sa edukasyon, ikaayong lawas, kag produksyon sang pagkaon samtang ginahulat ang implementasyon sang ADB-funded flood control master plan sa masunod nga tuig.
Ginpakalain man sini ang sobra nga pondo para sa flood control nga masobra sa P13 billion para sa bag-o nga hulot-klasehan kag P52B para sa mga taytay, suno sa budget proposal.
Naghingyo man si Escudero sa Department of Budget and Management (DBM) nga repasuhon ang budget sang DPWH kag limitahan ang mga flood control projects sa mga lugar nga matuod-tuod nga flood-prone.
Samtang, ang mga lideres sang Kamara nag-insister nga ang ginaproponer nga 2026 national budget ipadala liwat sa DBM agud i-adjust ang alokasyon, lakip na para sa mga proyekto sa pagkontrol sang baha. Nagpasalig naman ang DBM kag DPWH nga bag-uhon ang nasambit nga proposal.
Sa tunga sang kontrobersiya, si Escudero ang nadalahig sa Centerways Construction and Development, isa sa top 15 nga mga kontraktor para sa mga proyekto sa flood control projects.
Gin-ako sini nga nakabaton siya sang P30 millions nga donasyon sa kampanya halin sa presidente sini nga si Lawrence Lubiano sang 2022, apang ginpanginwala sini nga may kahilabtanan siya sa operasyon sang kompaniya.
