Nagpanawagan si Senador Risa Hontiveros kay Pangulong Ferdinand “Bongbong” Marcos, Jr. may kaangtanan sa hagna nga pagdugang sa sweldo sang mga Pilipino.
Sa ginpaguha nga pahayag sang Senadora, ginsiling sini nga kinahanglan na nga sertipikahan sang Pangulo ang nasambit nga wage increase bill bilang isa ka “urgent bill.”
Suno diri, kinahanglan nagadungan ang sweldo sa pagsaka sang presyo sang mga balaklon, pamasahe, kag bulanan nga balayaran.
Dugang pa ni Hontiveros, mas madamo nga Pilipino ang lubog sa kapigaduhon bangud sa pagka-atrasar sang nasambit nga hagna.
Matandaan una na nga gin-aprubahan sang House of Representatives sa ika-duha nga pagbasa nga magtalana sang ₱200.00 nga dugang sa sweldo sang mga empleyado sa pribado nga sektor.
Kinahanglan man suno diri nga tutukan sang gobyerno, ang magagmay nga negosyo nga apektado sa pagpasweldo sa ila mga empleyado.
