-- ADVERTISEMENT --
Ginapatambong sang Senate Impeachment Court si Vice President Sara Duterte sa pagbukas sang iya impeachment trial sa Lunes, Hulyo 6, alas-2:00 sang hapon sa Session Hall sang Senado sa Pasay City.
Suno sa korte, mahimo man nga ang iya legal team ang magrepresentar sa iya kon indi siya makatambong mismo.
Ginapangabay si Duterte nga magsunod sa tanan nga mando kag desisyon sang Senado suno sa Konstitusyon kag sa mga pagsulundan sang impeachment trial.
Samtang, nagpahayag ang iya legal team nga handa sila sa pag-atubang sa kaso, apang tubtob subong wala pa sang kumpirmasyon kon personal gid nga magatambong ang bise presidente sa pagbukas sang trial.
